إعداد : سمير أحمد
بتنزل ناس لناس
وتخللى ناس لناس
ملعون أبوها الفلوس
وتخللّى الواطى عالى
وتعلّى ناس على ناس
على الإيدين تبوس
بتغيّر فى النفوس
والناس على الناس تدوس
ملعون أبوها الفلوس
***
ماتت فينا الضماير
والحاجة الحلوة فينا
بنزيف فى الحقايق
وكله بياكل فى كله
وقلوبنا لما اتحجرت
خلاص اتغيّرت
ونبيع بعض ف دقايق
وده كله عشان الفلوس
ملعون أبوها الفلوس
***
إزاى سبنا روحنا
مالناش سيرة غيرها
سبناها تلعب بينا
سممنا بيها حياتنا
وبقينا ياناس كده
فى حياتنا بالشكل ده
وتاخدنا وتودينا
وطريقنا صبح معكوس
ملعون أبوها الفلوس
الشاعرة/ ناهد نور الدين عثمان - وكيل أول بمدرسة صلاح الدين - القاهرة