يقدمها : أحمد سعيد

تستعد الفنانة إسعاد يونس لتصوير حلقات جديدة من برنامجها «صاحبة السعادة» الذي يذاع علي قناة cbc وذلك خلال شهر أغسطس وحتي الآن لم تحدد القناة موعد عرض الحلقات الجديدة التي سيتم تصويرها بطريق مصر الإسكندرية الصحراوي وتعرض القناة حاليا حلقات معادة من البرنامج والتي حازت علي إعجاب الجمهور.

من ناحية أخرى تلقت إسعاد مكالمة من الزعيم عادل إمام أبكتها بعد إذاعة إحدي حلقات البرنامج وطالبها فيها بتغيير اسمها من إسعاد يونس إلي إسعاد مصر وكتبت علي حسابها الموبايل بيرن

إيه النمرة دي؟

ده الأستاذ والنعمة هو الزعيم عادل إمام بذات نفسه ياحلوللي

- ألو معقولة؟ التليفون نور يازعيم

- يا إسعاد

- نعم يا أستاذ

- أنا عايزك تغيري اسمك

- أنت تؤمر ياأستاذ ياحبيبي أخليه إيه؟

- تخليه إسعاد مصر

- يارب يخليك ياحبيبي «مخضوضة وصوتي بيحشرج من العياط»

بتكلم بجد إنتي ما بقتيش إسعاد يونس إنتي بقيتي إسعاد مصر

- عياط

وبقية الكلام جميل ورائع ومختلط بدموعي بجد ياحبيبي ياحبيبي ياحبيبي مش عارفة أقول حاجة غير كده ومش عارفة أقول حاجة تاني لحد دلوقتي كبيرة منك ياكبير ربنا يخليك ليا ويبارك في كل لحظة في عمرك بحبه ياناس، حبي بحجم موهبته وكاريزمته وصعوده وبكل دقيقة من سنين العشرة الطيبة الجميلة.