طرح المطرب والملحن عزيز الشافعي أغنيته الجديدة "ولاد الناس" على موقع الفيديوهات الشهير اليوتيوب، والمنصات الموسيقية.

أغنية ولاد الناس من غناء وكلمات وألحان عزيز الشافعي، توزيع وسام عبد المنعم،  وإنتاج لامب ستوديوز.

تقول كلمات الأغنية:
شوفنا الجدعان و شوفنا الصاحب الخوان
 وعرفنا ولاد الناس ، و عرفنا بشر رخاص
شوفنا الإنسان إزاي على أخوه الإنسان بيدوس 
ناس علّتهم فلوس ، لكن واطيه النفوس
لفينا أمصار،  و تعبنا كتير واهو ده اللي صار 
 الأحلام كتار .. بس الأيام قصار 
و تضيق علينا الدنيا ف ثانيه ، و تفضل واسعه الدار
درنا ف مدار ، غدار ، عيني عالزمن لو دار
ابويا .. دبرني يا ابويا
 ياما شوفت وحوش و وشوش كدابه مدهونه بويه
خسرنا الرهان .. وقع الحصان اللي كان رهوان
 اتكاترم عليه ، ماسكين سكاكين تبرق ف عينيه 
اتباعنا ببلاش،  يا نفوس دمار يا ضمير مجاش
والله ما تسواش ، الدنيا دي متستأمنهاش
تضيق علينا الدنيا ف ثانيه ، و تفضل واسعه الدار 
درنا ف مدار غدار.. عيني عالزمن لو دار
ابويا .. دبرني يا ابويا

الجدير بالذكر أن آخر أغاني عزيز الشافعي  كانت إهداءً عام 2020م، لنادي الزمالك احتفالا بفوزه بالبطولة المحلية.