قالت دينا رضا، أول سيدة مصرية توثق توكيلاً بالتبرع بأعضائها بعد الوفاة، إن نشر ثقافة التبرع بالأعضاء بالبشرية سيساهم في إنقاذ حياة البشر، مضيفة: "الناس المحيطين بي كانوا يعلمون أني سأتبرع بأعضائي، وقالوا أني مش هاوصل للنتيجة دي قبل 200 أو 300 سنة".
وأضافت خلال لقائها ببرنامج الستات ما يعرفوش يكذبوا: "أنا كنت واثقة إني هعملها، وأحب أشكر الرئيس السيسي إنه حقق لي حلمي، أنا حاولت التواصل مع مخرجين ومنتجين واتجهت كل الاتجاهات وربنا سمع صوتي وحلمي إنها تتعمل فيلم أو مسلسل يتعرض فى رمضان علشان أقوى تأثير بيكون للفن".
وتابعت: "وحاولت أتواصل مع الفنانة إلهام شاهين وكمان محتاجين رجال أعمال يساعدوا الدولة، والرئيس شافني وبوجهله نداء وتاني يوم بيقولولي افتحى الفيس الريس سمع صوتك، وأنا أشكر الرئيس لأنه حققلي حلمي اللي بحلم بيه من حوالي 45 سنة، وبشكره لأنه ساعدني ومحدش ساعدني خالص على الرغم إنهم كانوا يقدروا يساعدوني".