شاركت الصفحة الرسمية للمبادرة الرئاسية "حياة كريمة"، جانب من جهودها بمركز ديروط بمحافظة أسيوط معلقين: مع نهاية ٢٠٢٢ وبداية سنة جديد حابين نشارككم بحاجه بسيطة من المجهودات اللي بتتم على الأرض بشكل يومي، في مؤسسة حياة كريمة قابلنا حالة صعبة جدا لأسرة بسيطة جداً في صعيد مصر وتحديداً في مركز ديروط بمحافظة أسيوط واللي بيته وقع على أهله!!؟
ده حقيقي البيت وقع على أهله لدرجة أن في أربع أطفال توفاهم الله تحت أنقاض البيت، واللي كان بيعيش فيه أكتر من ١٥ فرد من الجد والجدة والأولاد والأحفاد.
اول ما جالنا الخبر، مؤسسة حياة كريمة اتدخلت بشكل فوري، فبجانب المساعدات اللي بتتقدم بشكل عاجل، قررنا التدخل السريع علشان نبني البيت من تاني في أسرع وقت، وعشان ال ١١ شخص الباقيين يقدروا يتدفوا فيه من برد الشتا والأمطار.
الحكاية فيها تفاصيل كتير صعبة وده حال بيوت كتير من قرى حياة كريمة، لكن انت صاحب الانجاز ده، لأن بتبرعك بتقدر تحمي أرواح كتيرة، وتوفر حياة كريمة لكتير من أهالينا وأطفالنا.
