قالت المطربة حنان أنها تعتبر الموسيقار الكبير الراحل عمار الشريعى اب لها ، قائلة:"و فى الأول أنا كنت خايفه منه اوى وبعد كده بقينا أصدقاء اوى لدرجة انى كنت بسأله فى حاجات وأمور خاصة فى حياتى . و أضافت حنان خلال الجزء الاول من حوارها معى الاعلامى دكتور عمرو الليثى ببرنامجه واحد من الناس على شاشة الحياة ، "بداية معرفتى بالموسيقار عمار الشريعي أنه كان عامل مسابقة للاصوات و كان المعهد كله بيروح و أنا كنت رافضة جداً انى اروح لانى كنت لسه فى سنة أولى ثانوى ، و مش عاوزه اتحط فى موقف كده و أنا اصلا بطبعى جبانه ". و تابعت حنان:" كان عندى دكتوره بتدينى مادة العود اصرت أن اذهب الي المسابقة ، و كنت بتهرب منها لكنها قالت لى لو لم اذهب هتسقطنى فى مادة العود ، فذهبت فعلا و استاذ عمار حس بخوفى ، و غنيت أغنية لشادية و أغنية لليلى مراد ، و طلب منى انى اغنى لام كلثوم و كنت حافظه اغنية واحدة " اروح لمين " فانبسط منى جدا و قال لى صوتك حلو و انتى هايله ، و كنت فى قمة سعادتى ، و من اعز الاغانى اللى غنيتها فى فرقة الاصدقاء اغنية عملها لى الاستاذ عمار اسمها " كان عندى طالب خايب قال بيحب " و دى كانت اول اغنية غنيتها فى الفرقة . وعلي جانب آخر اشارت الي انها كانت سعيدة بتجربتها في فرقة الاصدقاء وهي فرقة غنائية أسسها الموسيقار الراحل عمار الشريعي عام 1980 وأعضائها حنان ومنى عبد الغني وعلاء عبد الخالق. و من أشهر أغانيهم أغنية الحدود واشارت إلي أنها انسحبت من فرقة الاصدقاء لانها للاسف تزوجت صغيره جدا وهي فى الصف الثالث الثانوى ١٨ سنة تقريبا . https://fb.watch/hEuyhmREJX/?mibextid=qC1gEa