الإثنين 27 مارس 2023

ضرب وتهديد وخلع.. القصة كاملة لـ أزمة علا غانم مع زوجها

علا غانم

فن7-2-2023 | 10:51

ياسمين محمد

تصدرت الفنانة علا غانم، تريند جوجل، خلال الساعات الماضية عقب استغاثتها من زوجها بعد تعرضها للعنف والسرقة، والطرد من منزلها في منتصف الليل، وفي ذات الوقت خرج زوجها في فيديو ليرد على الاتهامات الموجهة له بالاعتداء عليها وطردها من المنزل.

استغاثة علا غانم 

كتبت علا غانم، منشورا على حسابها الشخصي بموقع تبادل الصور الفيديوهات انستجرام، قائلة: «استغاثة للسيدة حرم رئيس الجمهورية والمركز القومي لحقوق المرأة الدكتورة مايا مرسي، أنا الفنانة علا غانم تعرضت للعنف والقهر والطرد من منزلي وتعرضت لمؤامرة وبلطجة وتهديد لي ولأسرتي بالكامل، أغيثوني». 

رد زوج علا غانم 

وبينما قال زوجها عبد العزيز في فيديو خاص له:«أنا عبدالعزيز حسن عبدالعزيز زوج الفنانة علا غانم، متجوزين من 18 عاما، كنا سعداء جدا مفيش أي حاجة، خلافات زوجية كالعادة، عايشين في أمريكا، وكنا بنبني ونصلح بيوت وبنعمل شغل مع بعض وعايشين حلو اوي، فوجئت في عيد جوازنا بتقولي عايزة اروح لبنتي مصر واصلح سناني هقعد شهر وارجع، قلتلها لازم تيجي بسرعة قالتلي اه شهر بس، فوجئت في يوم 2 أو 3 أكتوبر المستشار القانوني بتاعي في مصر بيقولي مدام علا رافعة قضية خلع، قلتله احنا اتصالحنا من 3 سنين قالي لأ دي واحدة تانية من اكتر من سنة استغربت وقلت دي عايشة معايا، المحامي راح للقاضي والقضية اترفضت دي أول مرة، القضية كانت راحت على عنوان المعادي وأنا مش ساكن في المعادي، أنا في أمريكا وليا سكن في سقارة».

وأضاف عبدالعزيز في الفيديو، الذي ظهر خلاله مستلقيا على أريكة، ويكشف عن إصابات في ذراعه ووجهه: "رفعوا قضية مرة تانية حطوا عنوان والدتي بوسط البلد، وانا مش في العنوان ده وكان هيتم نظر القضية وقبلها طلب مني المحامي أجي على مصر، رحت قابلت شيخ الأزهر وقلتله إني مش عايز أسيب علا، وعارف أن والدتها هي اللي ورا المشاكل، والدتها بتكرهني من أول ما اتجوزنا، هي شخص قوي جدا، وخلت بنت علا تكرهني واخو علا وسببت مشاكل كتير جدا، جيت داخل البيت لقيت علا حاطة بلطجية على الباب علا ضربتني بإزازة نبيذ في عيني والولد راح شايلني حدفني على الباب واتكسر، وراحت أمها ضربتني بحديدة على دراعي، جه البوليس اخدونا ورحنا انا وهي وامها والاتنين اللي هما الخفرا بتوعها، الولد الغفير بجلابية ضرب دماغه في الحيطة، ونبهت أمين الشرطة، اخدوا أقوالنا ورحنا النيابة قعدنا لستة صباحا، كان كل حاجة كويسة لحد ما مدير النيابة قالنا انتوا مروحين».

واختتم عبد العزيز: «فوجئت أنها بعد كده بتقول إن فيه حد هجم على البيت رئيس النيابة كان هنا امبارح واخد بطايق الناس اللي أنا معينهم، وكشف عليهم ملقاش حد مسجل زي اللي كانت جايباهم، مرة تانية بقول لعلا أهلا وسهلا في بيتك احنا لسه متجوزين مفيش أي مشكلة بيني وبينك وعمري ما هعمل حاجة تضايق أي مخلوق، بالعكس أنا زعلان على اللي هي عملته فيا، لو أنا عملت حاجة غلط القانون ياخد مجراه، البيت ده بيت الزوجية ومعايا عقد، أنا واثق إن القانون المصري قوي ويعرف الحق، بعتذر لكل الناس بالنيابة عن علا لإني عارف إنها متقصدش اللي هي قالته، علا حد جميل وطيب في أوقات لا تقصد ما تقوله، وأتمنى تحاول وتدخل مستشفى».

بداية أزمة علا غانم مع زوجها

وبدأت أزمة علا غانم، بعد أن رفع المستشار عاصم قنديل المحامي الخاص بها، دعوى خلع لموكلته، بمحكمة الأسرة بقصر النيل ضد زوجها، وذلك للضرر ووجود خلافات زوجية بينهما، وفي 20 مارس 2018 قررت محكمة الأسرة بقصر النيل، شطب دعوى الطلاق المقامة من الفنانة علا غانم ضد زوجها الثالث عبد العزيز لبيب رجل الأعمال بعد تصالحهما، وقدم عاصم قنديل محامى الفنانة علا غانم طلبا بشطب الدعوى من رئيس المحكمة لتصالح المدعية مع المدعى عليه.

.

الاكثر قراءة