عبدالستار سليم - شاعر مصري - أول من كشف الغبار عن فن الواو
فى المبتدا أذكر الله
هوّ خالقنا و ناشينا
وعاطينا شمشُه و ضُلّه
رازق راكبْنا و ماشينا
***
الكل باطل و هُوْ حق
سبحانه رب البرايا
بوّ ط بصدرك على الحق
وارفع له فى الحرب راية
***
زينة الكلام مدْح طه
والمدح زينة البداية
فرْش القوالة وْ غطاها
سيرة رسول الهداية
***
ما يكْمل القول إلّ
بعد الص لا عا التّهامى
تشْفى الص لا كل عِلّة
أنا بالص لا زلت هامى
***
خلِّى اتّكالك على الحىّ
هوّ اللى بالعلم قدّ ر
لاتقول لى عقرب و لا حىّ
ما يصيبك الَّ المقدّ ر
***
يا مثبّت العقل والدين
عِمْيت قلوب الخلايق
يا آخى خُدْ منى وادّين
وبلاش ضيق الخلايق
***
الخلق فى الأصل صلصال
قُلّة و زيرة و جارة
واللى ما صاِمن و لاصال
ربك سخطهم حجارة
***
لمّا ميزان الزمن مال
للهِلْف عبّا الزكايب
و امّا الوطايا بقوا بْمال
دخلوا الجنازة بْركايب
***
لاتدقّ قولك فى هونى
و لا ادقّ قولى فى هونك
لونك ما يشبه للونى
و لا لونى يشبه للونك
***
علّمْتك الفن والقول
و رميت عليك العباية
و ادّ يتلك الغزْ ل والنول
لكنْ ما حقّيت رباية
***
لمّا داينتك لا قضّيت
و لا قلت ربى يزيدُ ه
و ف يوم ما سنّنت عضّيت
يدّ اللى مدّ لّك ايدُه
***ّ
عدّ ى الرّ دِ ى جَنْب بابى
ولا قال لى مرّة عوافى
جرّ بْت كافّة صحابى
ما لْقيت صاحب موافى
***
كان ليّا غيطى و جُرْنى
سايرين على خط ابونا
خلّونى هدّ يت فُرْ نى
و اسْتنّى عيش الطابونة
***
مش كل مسمار ليه سنّ
ولا كل حيطة توارى
فيه ناس كبار فى السنّ
و يْتوهوا وسط الحوارى
***
مش كل مسمار ليه سّن
ولا كل مَيّة غزيرة
فيه ناس صغار فى السنّ
بسّ البواطِن غزيرة
***
لمّا أتانا زمن شين
صا حبْنى صاحب عجوبة
يوم ما بقيلُه بقرشين
لجّم و شدّ الركوبة
***
جَنْب القناية كوم اتْراب
والنّدل شينة وصوفُه
مهْمن كرمْت اللى ما اتْراب
لا بدّ ما يْعِتّ صوفُه
***
فُضّك من الجىّ والروح
دا الجِتّة دايب خلقْها
يا عمّى ما يقبُض الروح
غير اللى هوّ خلقها
***
إدْ وِ رْ كلامك و عِيدُه
واعصُر لمونة فى زيتُه
فرْ ح المفارق و عيدُ ه
وقْتين يعاوِ د لبيتُه
***
يا ابْريق داير ببزبوز
ر شْرش علينا ضلا مُه
الدنيا ديلها صبح بوز
و السبْع ضايع كلامه
***
فرّ قْت همّى على والناس
من مسلمين وْ نصارى
لا اللى فاكِرنى ولا الناس
شاف لى فى همّى بصارة
***
ما كل من يقْضى ليه بال
ولا هُوْ على الشبْكة راسى
لا تقول لى عاقل ولا اهبال
لومك يا بُوى عا الكراسى
***
خلِّى كلامك دهب حُرّ
واذكُر إلاهك وواحِد
دا اللى لا ينفع ولا يْضُرّ
هوْ والتِّبِن شىّ واحد
***
لا تحسد اللى حداه مال
والجِتّة مِنّه عليلة
ما يعدِ ل البخْت لو مال
كافّة كنوز القبيلة
***
يا اللى انت جايْلى معاتبْنى
ليه بِعْتِنى بالخسارة
و حرقْت قمحى مْع -تبنى
دا جُبْ ولّ جسارة
***
على بخْتى ياخى اتْلوى الزّان
لمّا عملْتُه سريرى
لو يوزن القول و زّ ا ن
قمْحك ما يسْو ى شعيرى
***
مع مين اِشدّ الرسايل
و البِلّ والخيل ساروا
و انت ولا مرّة سايل
وانا ليلى طالت قصاره
***
كانت بلدنا لنض جاز
صبْحت كهارب كتيرة
بعد الربابة ولارْجاز
عِشْقِت مادونّا وشاكيرا
***
قولك يابو العمّ مقلوب
والقول ما هُوْ شطارة
دى الخلق شِبْعِت عمى قلوب
ما تطبّهاش العِطارة
***
حرِّص يابو العم م الناس
دا الناس بيرها غويطة
والشرّ فى الدنيا أجناس
عايز الرجال الحويطة
***
مالك عا تُصْرُ كْلى عا الناب
كيف الجِمال الهجينى
تزقينى قهوة و عنّاب
وانت فى سرّك هاجينى
***
همِّك يا دنيا جارحْنا
ميتا بعينِك تراعى
سكنوا القُصورة و إحنا
ساكنين جُروف التراعى
***
دوس الحصى واشْرب السّوم
يمكن فى شُرْ بُه دوانا
دا الرزق والعمر مقسوم
والموت ييجى ف اوانه
***
دا الرزق والعُمْر مقدور
بسّ الرّ جالة مواقف
ما دُ مْت للموت مندور
فان مُتّ موت وانت واقف
***
الفنجرة تيجى و تْروح
والحُرّ عُمرُ ه ما يخْتِل
لو بندقية بميت روح
فى يدّ خايف ما تقْتِل
***
كنّا قبائل ليها شيوخ
واليوم فين القبايل
حِيط القبيلة اتْملا شروخ
يرْ حم زمان الهلايل
***