أعربت الممثلة زينة عن سعادتها بعدما رفضت محكمة استئناف اﻷسرة الطعن المقدم من الفنان أحمد عز على الحكم الصادر من محكمة أسرة مدينة نصر برفض بطلان حكم ثبوت نسب الطفلين عز الدين وزين الدين توأم الفنانة زينة له.
ووجهت زينة رسالة لأحمد عز عبر حسابها الرسمي بموقع الصور الشهير "إنستجرام": "الحمد لله النهارده كانت آخر قضية رفعها علينا الشيطان، والحمد لله ما يقدرش الشيطان يرفع أي قضية تاني.. الموضوع اتقفل نهائيا ورفع علينا كل القضايا اللي ممكن تترفع والحمد والشكر لله ربنا كرمنا وخسر كل القضايا".
وأضافت قائلة: "الشيطان ده قبل ما يخسر كل القضايا خسر نفسه اللي مش موجودة أصلا وضميره المعدوم وحتى شكله اللي بقى استغفر الله العظيم.. نصيحة ليكم إياكم والظلم إياكم والقسم بالكذب.. كلمة أقسم بالله بالكذب بتهز السماوات".
وتابعت قائلة: "بص يا شيطان كل القضايا اللي ينفع ترفعها خسرتها ....كبيرك تتكلم في سمعت أم ولادك وانت عارف بتقول كده ...بس ياريت تسبت كدبة علشان بتسي كدبك وكل يوم بقصة".
واستكملت كلامها قائلة: "شكرًا الاستاذ الكبير المحترم :معتز الذكر المحامي اللي تعب معايا خلاص ارتاح من قلقي والصداع اللي عملتهواه....ومبروك يا استاذ معتز علي قدوم القمر زينة الصغيرة.. وربنا يكرمك ويخلي زينه وعبدالله ....كملت مسيرة الاستاذ الكبير محمد الدكر الله يرحمه يارب ....شكرًا الاستاذ: عاصم قنديل المحامي الكبير اللي بعتبره واحد من اهلي ...انا تعبتك اوي يا استاذ ربنا يخلي حضرتك ".
وواصلت: "ارجوكوا سامحوني علي الصورة دي واعرفوا انها مخوفاني انا كمان والله للامانة ماكان هو ده شكله ....بس الظلم والقسم كدب بينزل غضب ربنا علي أغلي حاجه عند الانسان ....وده أغلي حاجه عنده وشه .. بعتذر علي بشاعة المنظر.. دي أحدث صورة للشيطان لقيتها في وشي معلش .. وهاشيلها كمان شوية".