كشفت لأول المرة الفنانة ميس حمدان، تفاصيل تعرضها لهجوم شديد، بعد ظهورها في إعلان لملابس داخلية تابع لإحدى الشركات الكبرى.

وقالت ميس حمدان خلال لقائها مع الإعلامية أميرة بدر ببرنامج “VIP” المذاع على شاشة قناة “هي”: "من وجهة نظري بعتقد إنه لما يجي فنان يقول مبيهمنيش كلام الناس ويقول خليهم يقولوا، دي خاطئة، الفنان لو شاف حملة ممنهجة هيزعل، وبيكون نفسك الناس تشوف شغلك وتشكر فيكي".

وتابعت ميس حمدان:  "لما عملت الإعلان كان هدفي يكون حاجة رقص ومبهجة، زعل الناس زعلني طبعا، ومبقراش السوشيال ميديا عشان مضايقش نفسي، ندمت على الإعلان عشان معجبش الناس، كدابة لو قولت شريحة صغيرة معجبهمش يبقى كدا تمام لأ بزعل على الناس".

وأضافت ميس حمدان: "قولت لصاحب الشركة شيله أنا زي بنتك، ولا هامه الفلوس اللي دفعها وحد محترم، وكنت بعيط وقليل أوي لما بتهاجم، اتدمرت نفسيًا والناس قاسية وشتموني بأبويا وأمي وأخلاقي والشتيمة كانت جاية بمجموعة وبيصعب عليكي نفسك وأهلك ومجهودك وكان كل هدفي أعمل إعلان مبهج ، ومثلًا اللي بيعجبني في محمد رمضان انه قطر وماشي ولا هامه حد ونفسي أكون زيه وأتجاهل".

برنامج "vip" يذاع يوميا خلال شهر رمضان على شاشة قناة "هي" ومن تقديم الإعلامية أميرة بدر، ويعرض في تمام الساعة السابعة مساءً ويستضيف عددا من نجوم الفن والرياضة.