علق السيناريست تامر حبيب، على انتقاده بسبب حضوره حفل زفاف في الجونة يوم وفاة الفنان الكبير سمير غانم وتخلفه عن حضور الجنازة، قائلاً: "الله يرحم سمير غانم لو كان العكس كان ممكن يعمل كده وكان بيموت في البهجة، وأنا كنت في فرح في الجونة وللأسف الشديد كنت هحضر الصبح الجنازة وأرجع على الفرح بالليل".
ووجه تامر حبيب، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، رسالة قائلا: "كتبت وأكرر كلامي يوم لما أموت اللي بيحبوني كلهم يعملوا حفلة كبيرة على سيرتي ويشغلوا الأغاني اللي بحبها ويفتكروا المواقف اللي ضحك ويرقصوا ويتبسطوا وهكون أكثر واحد مبسوط في الدنيا".
وتابع: "فكرة أني روحت الفرح مش معناه أني متوجعتش على فراق سمير غانم وكان في علاقة بينا علاقة حب شديدة وكان صديقي ونلت شرف أني اشتغل معاه في شربات لوز، وأنا عارف أنه مش مضايق وأي حد تاني يولع وأولاده مش زعلانين".