أكد الفنان محمد هنيدى أنه وهو صغير كان نفسه يربى كلبا، ويمشى به فى الشارع، لكن والدته، الله يرحمها، رفضت تمامًا هى ووالده أيضا، علشان ما يبهدلش البيت ويعمل دوشة، وقال: “كان عندنا جدى فوق السطوح فأنا قلبته كلب وسميته برعى".

وأضاف هنيدى، خلال لقائه مع الفنانة شيرين عبدالوهاب، مقدمة برنامج "استوديو شيرى"، "كنت بعامل الجدى اللى هو ذكر المعزة على أنه كلب، وأتمشى بيه فى الشارع على أنى ماشى بالكلب بتاعى، وأمشى بيه لحد نادى الزمالك، وأتفرج على التمارين بيه، وكنت بمشى وسط الناس على أنه كلب، واستمتعت جدًا".

وتابع: "وفي يوم قاعدين فى البيت، سمعت حاجة وقعت فى الشارع، وافتكرنا حد انتحر، وبعدين اكتشفت أن "برعى" انتحر من فوق السطوح، ودى كانت نهايته".