كشف الإعلامي محمود سعد عن صفة في الزعيم عادل إمام كانت متواجدة في العندليب عبد الحليم حافظ، وذلك تزامنا بعيد ميلاده الـ 83 عاما.

نشر محمود سعد على حسابه الشخصي بموقع التواصل الاجتماعى الفيسبوك يحتفل بعيد ميلاده، قائلا:«عادل إمام عنده ذكاء فكري كبير وعارف امتى يقابل ده وامتى يتكلم مع ده وامتى يتكلم جد وامتى يهزر وامتى يعمل مسلسل وامتى فيلم وامتى يوقف مسرحية، وكان عنده إحساس عالي، ولو قاعد في الصالة يقدر يجيب آخر واحد في آخر كرسي ومشاعره علشان كده هو نجح، عندما ذهبت إلى شقته في نادي الصيد ودخل غرفة نومه وجد بقعة على سريره، وهذه البقعة تكشف مدى بقاء الزعيم على سريره متكأ برأسه على الوسادة لفترات طويلة».

واختتم محمود سعد حديثه: «لما عادل إمام جاب شقته في شارع نادي الصيد خد دور كبير وزوجته كانت ست في منتهى الشياكة كل ما أقوله إيه الحلاوة دي يقول لي ده ذوق هالة، ووراني أوض نوم أولاده ودخلت أوضة نومه وأدركت السر في أوضة نومه، لما لقيت بقعة على السرير نفس البقعة اللي كانت عند عبد الحليم حافظ، واللي بتدل أن السرير صاحبه بيقعد فيه كتير مش مسألة نوم بيقعد ساند دماغه على السرير ففيه علامة في قطيفة السرير، ووجد جمب سريره كتب كتير وده معناه أنه بيقرأ قراءة متنوعة واتعلمت منه من غير ما أحس أني أقرأ ربع ساعة مثلًا في الفلسفة وبعدين في الدين فيكون عندي أكتر من كتاب في أكتر من حاجة».