أعربت الفنانة الشابة هنا الزاهد عن سعادتها بتعاونها مع زوجها الفنان أحمد فهمى، بمشاركتها معًا في فيلم "مستر إكس"، الذي من المقرر عرضه ضمن أفلام عيد الأضحى 2023.

وكتبت هنا الزاهد عبر حسابها الرسمي بموقع تبادل الصور والفيديوهات "إنستجرام" موجهة رسالة لـ أحمد فهمي بعد تعاونهما سويا في فيلم "مستر إكس": "أنا شهادتي مجروحة عايزة أقول أحمد أشتغل على الفيلم ده أكتر من سنة وتعب جدا في الكتابة من قبل ما أكون حتى في الفيلم، وكان دائما بيحكيلي عن تفاصيل الفيلم وهو متحمس وهو كان لسه فكرة مكتوبة على ورقة، ربنا هيعوض تعبك ومجهودك وربنا يكرمنا على قد تعبنا فيه، اشتغلنا قبل كدة مع بعض في مسلسل الواد سيد الشحات وربنا كرمنا فيه ويارب يكرمنا في الفيلم ده كمان، أول فيلم مع بعض متحمسة جدا الناس تشوفوا".

ورد عليها أحمد فهمي قائلا: "أنا اللي مبسوط جدا إني اشتغلت معاكي يا حبيبتي وإن شاء الله نكسر الدنيا زي كل الحاجات اللي اشتغلناها سوا وأنتي دايما إضافة قوية وكبيرة لأي عمل".

ويعد فيلم "مستر إكس" من بطولة كلا من الفنان أحمد فهمي، والفنانة هنا الزاهد، ومحمد أسامة الشهير بـ أوس أوس، وبيومي فؤاد، وصبري فواز، ومحمد أنور، وأيضاً الفنان عمرو يوسف، ومصطفى خاطر، إضافة ا ريم مصطفى، والفيلم من تأليف أحمد عبد الوهاب وأمجد الشرقاوي، وتحت قيادة المخرج أحمد عبد الوهاب.

وتدور أحداث فيلم مستر إكس حول قصة حب بين رئيس إحدى العصابات، وبين محامية تضعها الظروف في طريقه، فيحاول جاهدا إبعادها عن كل المخاطر