كشف الفنان علاء زينهم عن كواليس دوره في مسرحية الزعيم الذي شارك فيها مع الزعيم عادل إمام ، خلال لقائه ببرنامج واحد من الناس مع الإعلامي عمرو الليثي.

قال علاء زينهم:«ذهبت للمخرج حسن عبد السلام علشان يشغل واحد صاحبى اسمه عربى وانا مروح انا وهو وعادل إمام كان بيعمل بروفات فى مسرح "ليسيه الحرية"».

تابع :«قولت لصديقي يا سلام ربنا يكرمنا ونشتغل مع الأستاذ عادل إمام، وبالفعل لاقيت واحد صاحبى بيقولى تعالى بكره تعمل مقابلة مع الأستاذ عادل إمام علشان تشتغل معاه فى مسرحية الزعيم».

وأضاف زينهم: أنا افتكرته بيهزر لحد ما روحت وفعلا قابلت الزعيم عادل إمام و قعد يهزر معايا وطبطب على كتفى وكنت ماسك كوبايه شاى بتغلى لم أحس بسخونتها وأنا بكلمه، وكنت بخرج على النص معاه وكان بيضحك ويثبت الإفيه فى المسرحية.

وتابع علاء زينهم: "من كواليس العمل بمسرحية الزعيم أن هناك مشهدًا كان المفروض البنطلون بيسقط ولكنه لم يسقط ووجدت الجمهور يضحك فطلب مني الزعيم أن أقدم ذلك المشهد يوميًا بهذه الطريقة، متابعًا بأن العمل مع النجم عادل إمام هو متعة وقيمة كبيرة وهو الأفضل بالتأكيد وحلم كل فنان العمل معه".