حذر الدكتور عماد فهمي، استشاري التغذية العلاجية، من معلومات غير علمية وخاطئة، بخصوص التخسيس، تؤثر سلبا على صحة الناس، بسبب ما يعرف يوتيوبر التغذية، قائلا: "لما تروح لدكتور التغذية بتاعك بالتحاليل اللي أنت بتعملها من ست شهور لسنة، اللي هي كل حاجة، هو ممكن يزود بقى الحاجات اللي لها علاقة بالحرق بتاعك، الكورتيزون اخباره ايه؟’ كوليسترولك عامل ايه؟، السكر التراكمي اخباره ايه، لكن حد يقولك تعمل إيه كده وتمشى وراه كارثة".
وقال استشاري التغذية العلاجية خلال حلقة برنامج "البيت"، المذاع علي فضائية "الناس"، اليوم الأحد: "يعني اللي بيجيلي كرشه صغير، مش هعمله نفس التحاليل اللي بيجيله كرشه كبير، اللي بيجيلي بسمنة موضعية اللي بتجيلي بتاكل اكتئاب يعني كل واحد هيبقى له التحاليل الخاصة به، عشان كده الدطتور هو اللي يناظر الحالة وهو اللي يشوفها بلاش الناس بتروح تجيب انظمة اونلاين وتجيب حاجة من على جوجل".
واستكمل: "دلوقتي بقينا حد يطلع يتكلم بمناسبة الحاجات دي واحنا بنتكلم على الاخطاء، تلاقي حد بيقول لك اشربي مياه ساخنة أو حاجة ساخنة، بتسيح الدهون هو بالمنطق بقى مثلا أنا لو خدت حاجة بتغلي أول ما تنزل معدتي بقت37 درجة، ينزل فين المعدة لا راح لدهون الارداف ولا راح لدهون السمانة، هو ده كلام ما يقولوش حد عاقل، كل الابحاث اللي بتتكلم عن سرطان المريء، بتقول ابعدوا عن الحاجات الساخنة".
وكانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023،
وتبث قناة الناس عبر تردد 12054رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.