حلّت الفنانة عزة بهاء، ضيفةً على برنامج "قعدة ستات" الذي تقدّمه المذيعة مروة صبري، على قناة "القاهرة والناس"، حيث كشفت تفاصيل صدمتها حين عرفت بزواج زوجها عليها وذلك أثناء تشييع جنازته.

وقالت عزة بهاء، خلال حوارها إنها بعدما أعلنت أنها تزوجت ثلاث مرات: «مليش حظ في الرجّالة، للأسف بختار غلط».

وأضافت عزة قائلة: «أنا مرة كنت متجوزة، وجوزي كان مسافر وعمل حادثة، وأنا طبعاً قاعده مستنياه يرجع، فتأخر فلقيت مامته بتكلّمني بتقولي إنه توفى... نزلت لقيته توفى فعلاً، وفي عربية الإسعاف ومعاه واحدة، فقعدت أخبّط على العربية عايزة أعرف مين دي ومصدومة طبعاً ومش مستوعبة لسه، وفي الجنازة بتاعته بعد ما اتدفن وصلّينا عليه، لقيت واحد صاحبه بيواسيني، فقلت له هي مين اللي كانت مسافره معاه، دي صحيح صاحبته؟ فردّ عليا قاللي لا، متظلميهوش، ده طول عمره على خُلق، ودي مكنتش صاحبته طبعاً، دي كانت مراته».

موضحة: «أنا كنت زوجة ثانية، وهو اتجوّز عليا التالتة من غير ما أعرف».