تحدثت الفنانة إيناس مكي، عن سبب عدم عملها مع شقيقها النجم أحمد مكي قائلة:' رديت على النقطة دي في جميع اللقاءات التليفزيونية ولو دخلتي ع أي أكونت شخصي منزلهم فيديوهات بقول ارحمونا، أنا بنت المهنة من ٢٦ سنة فاتوا طبيعي لو أنتي شخص مشهور وأخوكي ميجا ستار الناس هتفضل ترغي وتهري في نفس المنطقة.
وأضافت يناس مكي خلال حوارها مع الإعلامية إنجي هشام في برنامج المنسي عبر قناة هي قائلة:'طلعونا متخانقين، طلعونا واخدين قرار منشتغلش مع بعض والله ما حصل، طلعونا في بينا مشادات وهو راجلي وسندي واللي ليا في الدنيا وصلت أنهم قالوا ليه مفيش صور ما بينهم دا انتو ناس غريبة جدا؟".
تابعت :' المنطق ده مش بتاعنا احنا لا نتبني الأفكار دي كل واحد وشخصيته، مذيعة مرة قالتلي ليه مبتطلبيش من أخوكي يشغلك قلتلها ليه؟ أنا إيناس مكي.
يذكر، أن برنامج "المنسي" هو برنامج على قناة "هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءً ويستضيف عددا من نجوم الفن والإعلامين الذي غابت عنهم أضواء الشهرة والنجومية.