رد السيناريست عمرو محمود ياسين، على تصريحات الفنانة الكومبارس برنسة عبد الغني، والذي اتهمته بأنه ضيّع مسلسلا سلمته له يحكي عن مشوار حياتها الفنية، خلال لقائها في برنامج المنسي.
وكتب عمرو محمود ياسين، منشور عبر حسابه الشخصي بموقع التواصل الاجتماعي الفيسبوك، وقال:« يا أستاذة برنسة تحياتي ليكي أولا، ثانيًا حضرتك كنتي قابلتيني واحنا بنصور مسلسل ونحب تاني ليه، على ما أتذكر ولاقيتك من تلقاء نفسك جايبالي ملخص، وقولتي لي اقراه عشان عايزة إني أعمله مسلسل وقتها كنا لسه بنصور وما قدرتش أقراه وقتها».
وأضاف عمرو محمود ياسين: قريته بعد كده لما اتصلتي بيا فكرتيني به بعد فترة طويلة، وقتها أنا قريته وللأسف مالقتش فكرة مناسبة له.. وحضرتك ماكلمتينيش تاني وأنا ماتصلتش برضه، وده تقصير مني بعتذر عنه، لكن مش عارف جبتي منين حكاية إني أنا ضيعته ؟؟ مش عارف جبتي الفكرة دي منين، الملخص بتاعك في الحفظ والصون زي ما هو وتقدري تاخديه وقت ما تحبي وربنا يكرمك».