كشف الفنان مجدي بدر عن رأيه في عمل جزء ثاني من مسلسل "جعفر العمدة" قائلًا :"الأغلبية من الأعمال اللي نجحت واتعملها أجزاء تانية كملت نجاحها مثل مسلسل ليالي الحلمية، ورأفت الهجان".

وأضاف خلال حواره في برنامج "on the top" مع الإعلامي شريف عبد الرؤوف على قناة الشمس :"فيه كذا عنصر مهمين وهو المخرج محمد سامي هو من المخرجين الأذكياء وعنده سينس عالي بيعرف يوظف الحدوتة، محمد سامي ورمضان لا يمكن هيدخلوا عمل وهما مش مالكينه كويس".

وتابع:"معنديش خلفية مين اللي هينضموا للجزء التاني أو هينسحبوا ولكن الحاجة الوحيدة اللي متأكد منها أن بلال شامة مش هيكون موجود في الجزء التاني لأنه اتقتل خلاص، ممكن استنتج أن دلال متبقاش موجودة لأنها اتسجنت، عايدة لأنها سابته ومشيت".

واختتم :"محمد سامي ضافلي حاجات كتير جدًا، أولا هو اللي كاتب وهو المخرج الحتة دي فيها ميزة أن تفاصيل الشخصية بيكون سهل يوصلهالك ودا اللي حصلي فعلا غير أن كان معاه ٣٠ حلقة كاملين ففاهم تطورات الشخصيات عاملة ازاي".