كشف الفنان محمد الشقنقيري عن رأيه في مسلسلات السير الذاتية لـ " العندليب " و" أم كلثوم" و" أسمهان" قائلا :" أنجح مسلسل سيرة ذاتية " أم كلثوم" مع اني أنا ضد الحاجات دي وشاركت على فكرة في مسلسل " العندليب " كنت طالع اخوه و المسلسل انتاجيا نجح بفكر الانتاج.
أضاف خلال حواره مع الإعلامية انجي هشام في برنامج المنسي عبر قناة هي:' أنا ضد الافلام اللي تتعمل مسلسلات زي رد قلبي ، نحن لا نزرع الشوك يتعمل مسلسل الافلام دي علامات والسير الذاتية صعب نجاحها لان أولا عشان تنجح لازم تجيبي حد الناس مشافتهوش".
تابع :' يكون واحد اتوفي من ٤٠٠ أو ٥٠٠ سنة مكنش حد شافه ومكنش في تليفزيون أو الصحافة يعرفوا يجيبولك صورته عشان الناس غصب عنها بتقارن الشكل دي نقطة تاني نقطة لازم يكون عندك ناس مؤرخين لان التاريخ دا مينفعش نزيف فيه.
ختم الشقنقيري قائلا :' ممكن تجيبي احداث زي وليكن معركة اليرموك وتعمليه فيلم لكن سيرة ذاتية صعب وخصوصا الحاجات اللي هي العلامات دي، ام كلثوم دي علامة وأستاذ عبد الحليم حافظ دا علامة اسمهان دي علامة".