أمرت نيابة المعادى بحبس المتهم بقتل منجد المعادى وتقطيعه إلى 6 قطع ووضعه فى أكياس 4 أيام على ذمة التحقيقات.

 

كشف المتهم ويدعى سيد.س، والمعروفة إعلاميا بـ منجد المعادي، عن تفاصيل جديدة فى تحقيقات القضية رقم 12126 لسنة 2023 جنايات حلوان إلى وجود علاقة عاطفية فيما بين المجني عليه أيمن.ع  والمدعوة  أ.ي، زوجة المتهم، وعقب اكتشاف زوجها وجود تلك العلاقة قرر التخلص من المذكور وإزهاق روحه وقطع جسده إلى 6 قطع ووضعها فى أكياس.

 

وأوضح: «اللي حصل إن مراتي قبل ما اتجوزها كانت مخطوبة لأيمن. ع -منجد المعادي-، وكان بيحاول يرجعلها ولما كانت بتروح  مراتي عند أهلها كان بيحاول التواصل معاها، ومرة من 5 شهور حصل خناقة بيني وبينها وكانت قاعدة عند أهلها».

 

وتابع: «بعدها  بنتي جات قالتلي إن بنت أخت المجني عليه بتتواصل مع مراتي وبتقول كلام مش كويس عليا وبتقولها أخيرا هتطلقي ومراتي معندهاش واتس اب على الموبايل، وفي الفترة اللي كانت قاعدة عند أهلها لقيت إن الواتس بتاعها اتفتح وأنا عارف إن الواتس بتاعها مش بيفتح غير لما تحط الشريحة بتاعتها في موبايل ابني، لما رجع ابني سيف فتحت تليفونه علشان كنت حاسس إن هي ممكن تكون بتتواصل مع أيمن. ع -منجد المعادي-».

 

واستكمل: «فتحت الواتس آب ملقيتش حاجة لكن لقيت رسايل نصية بإن رقم أيمن حاول الاتصال 5 مرات فقلت هم أكيد بيتكلموا وشكيت إن هي ممكن تكون بتقابله لأن من آخر مرة وهي ماسكة إنها تتطلق ورفعت عليا قضية خلع ده أكدلي إنها عاوزه تتخلص مني فابتديت أراقبها علشان أتاكد من الكلام ده وفعلا اتاكدت إنها بتقابله وإن فيه بينهم علاقة فروحت واجهتها نفت الكلام ده وقالت إن مفيش بينهم أي تواصل فقررت أتكلم مع أيمن وأتفاهم معاه لإن كده بيخربلي بيتي».

 

وكانت بداية الواقعة، عندما تلقى مأمور قسم شرطة المعادي بلاغًا، بتغيب منجد يدعى أيمن ع -منجد المعادي- 42 سنة، ومقيم بحلوان، وله محل تنجيد بمنطقة حدائق حلوان منذ عدة أيام، وبإجراء التحريات تبين وجود خلاف بين زوج خطيبة المجني عليه السابقة والمقيم بمنطقة كوتسكيا، وأكدت التحريات وجود شبهة جنائية في الوفاة، وأن زوج خطيبة المجني عليه السابقة وراء ارتكاب الواقعة.