إيمان الباشا - القاهرة
عبدالوهاب بعد انفصاله عن «نهلة القدسي» حب يرجعها تاني لكن هيه رفضت وسافرت.. فجريدة «الوقائع المصرية» كتبت مقالا بعنوان «هان الود» ودا ضايق عبدالوهاب جداً، فراح لـ «أحمد رامي» وحكا له اللي حصل، فكتبله أغنية «هان الود» وغناها عبدالوهاب.. لما سمعت «نهلة القدسي» الأغنية وخصوصاً «أنا بحبه وأراعي وده إن كان في قربه ولا في بعده، وأفضل أمني الروح برضاه ألقاه جفاني وزاد حرماني «أتأثرت جداً وفهمت الرسالة فرجعت مصر في أول طيارة ورجع من حفلة لقاها في بيته مستنياه .. شوفتو تطييب الخواطر.
مينفعش نبقي فترات مؤقتة في حياة بعض
مينفعش تكلمني لما تبقي فاضي ومش لاقي غيري
مينفعش أبقي من ضمن مغامراتك
مينفعش متفتكرش آخر علاقة إمتي من كتر تعدد علاقاتك
الحب اللي يقوم علي الود متقدرش عليه مسافات. حبوا بعض في القرب أو فالبعد، في الرضا أو في الخصام، وفي الشدة قبل الرخاء.