حرصت الفنانة نهال عنبر على تهنئة الرئيس السيسي بفوزه في انتخابات الرئاسة 2024م، عقب إعلان الهيئة الوطنية للانتخابات النتيجة في مؤتمر صحفي منذ قليل.

وقالت نهال عنبر في تصريح خاص لـ "دار الهلال": "كلنا سعداء جدا بفوزه وإحنا كنا نازلين عشان مصر، بصراحة مفيش حد مخلص وحامي البلد وحامي حدودها غيره، وبيبقى 24 ساعة بيشتغل عشان خاطر البلد دي يبقي ليها كيان اللي مفروض كان يتعمل في 60 سنة هو عمله في كام سنة، ويعني فيه كتير جدا جدا حروب خارجية وضغط جامد على مصر هو قادر يقف ضد الضغط ده بجميع السبل السياسية والاقتصادية، هو رجل المرحلة دي لازم هو يكون موجود فيها".

وأضافت: "مصر محتاجة له ولعقله ولوطنيته وقوة شخصيته مع الغرب ومع أي أعداء بيحاولوا يفكروا أنهم يقربوا ناحية مصر".

وأما عن امنياتها في الولاية الرئاسة الجديدة:"نحمي مصر ونحمي حدودنا ويبقى مصر فيها امان. زي ما احنا عيشينا في أمان دلوقتي، و طبعا الضغط الاقتصادي اللي معمول علينا بيصعب ان احنا نبقى في ظروف احسن الفترة اللي جاية،بس ان شاء الله برضه انا عندي أمل ان المجهود اللي اتعمل في السنين اللي فاتت دول والضغط علينا جامد،احنا كلنا كنا مضغوطين عشان خاطر بلدنا تبقى حاجة كويسة،ان شاء الله نبتدي نحصد ثماره الفترة اللي جاية".

وأعلنت الهيئة الوطنية للانتخابات، في المؤتمر الصحفي الذي عقدتهى اليوم، فوز المرشح الرئاسي عبدالفتاح السيسي بانتخابات الرئاسة 2024 وذلك لمدة 6 سنوات مقبلة.