عبرت الإعلامية بريهان مصطفى عن سعادتها الكبيرة بزيارة مستشفى 57357 لسرطان الاطفال، حيث نشرت صور من تواجدها هناك، عبر حسابها الرسمي على موقع تبادل الصور والفيديوهات إنستجرام.

وعلقت بريهان مصطفى على الصور قائلة:" من أكثر الزيارات القريبة إلى قلبي هي زيارتي لمستشفى 57357، سعيدة اني شفت بنفسى المستشفى وقد ايه كل حاجة منظمة وعلى أعلى جودة دكاترة تمريض، عاملين، صيدلية، وحدة السايبر نايف المعمل، المطبخ، غرف الرسم والموسيقى وكل حاجة عندهم كانت فوق الوصف".

وأضافت بريهان مصطفى:" اد إيه حاجة تفرح لما تشوف إنك رسمت ضحكة على وجه الأطفال، وحاجة عظيمة لما تشوف الأطفال الأبطال مرضى السرطان بيفرحوا بالكلام واللعب معاهم.. وده طبعاً أقل حاجة ممكن الواحد يقدمها للأطفال".

وحرصت علي تشجيع المرضي قائلة:" انتم أبطال وان شاء الله ربنا هيشفيكم كلكم وتحية منى لجميع أهالي مرضى السرطان لأن انتم الجندي المجهول".

وشجعت الجميع على الذهاب إلى المستشفى للوقوف بجانب الأطفال، قائلة:" لازم انتم كمان تروحوا وتدعموا الأطفال، لانهم هيعلموكم معنى الرضا والقبول، وممكن كمان تتبرعوا من خلال الاتصال على 19057 أو زيارة الموقع الخاص بالمستشفى، وطبعا الأحلى انك تروح بنفسك وتقضى وقت مع الأطفال، واي حد عايز يزور المستشفى و يقابل الاطفال يتواصل مع د. أيمن الغزالي وهو هيساعدكم في كل حاجة.

وأكدت على أن المستشفى تحرص على تقديم الرعاية الصحية والنفسية بأعلى معايير الجودة لأطفال مرضى السرطان مجاناً.