تعرض مسلسل "حالة خاصة" للفنانة غادة عادل والفنان طه دسوقي، لهجوم حاد من نهاد أبو القمصان، المحامية بالنقض ورئيسة المركز المصري لحقوق المرأة، مؤكدة أن كل المشاهد المتعلقة بممارسة مهنة المحاماة داخل المسلسل تمثل جريمة تستوجب العقاب، ملمحة لاقتباس المشاهد من أنظمة قانونية غربية لا يمكن تطبيقها داخل مصر.
مسلسل حالة خاصة غادة عادل
ونشرت نهاد أبو القمصان، فيديو عبر حسابها الشخصي على موقع "إنستجرام" لرصد الأخطاء القانونية الفادحة في الحلقات الأربعة التي تمت عرضها من العمل،قائلة، إنه من المميز تقديم عمل خاص عن ذوي الحالات الخاصة، ولكن كان يتوجب على صُناع المسلسل الرجوع لأهل القانون لمراجعة كل التفاصيل المتعلقة بممارسة مهنة المحاماة خاصة وأن بعض المشاهد تضمنت جرائم حقيقية.
نهاد أبو القمصان
وتابعت "أبو القمصان"،: "جميل أن يكون في مسلسل زي حالة خاصة بيتكلم عن وجود شاب عنده حالة خاصة مثل مرض التوحد، بس المكتب ده عايز يتقفل بكل المحامين اللي فيه ويتحولوا للنيابة العامة للتحقيق".
ورصداً للمخالفات القانونية قالت نهاد أبو القمصان: "أولاً إزاي نجيب صاحبة القضية ونقعدها مع كل المحامين اللي تحت التدريب ونقولها قولي كل أسرارك قدام الكل ونقولها هما دول اللي هيحلولك القضية ده ضد مهنة المحاماة تماماً، في حاجة اسمها خصوصية، إزاي أجيب موكل يتكلم عن أسراره قدام شباب لسه بيتعلموا ومتعينوش في المكتب وده انتهاك شديد لقيم وأخلاق مهنة المحاماة".
طه الدسوقي
أخلاقيات المهنة
وأضافت أيضاً: "ثانياً خلع إيه اللي بيعملوا تحقيق 6 محامين بيحققوا في قضية خُلع ويصوروا جوز الست ويقولولها هاتي كشف طبي، الكلام ده ممكن يكون يتعمل في إنجلترا اللي فيها اقتسام للثروة، فكل واحد بيثبت أن مش هو سبب الطلاق لكن الخلع عندنا الست بتتنازل عن أي حاجة ومبتقولش أسباب أصلاً، أما التحقيقات دي في الطلاق للضرر، فالمسلسل فيه مشكلة من ناحية أخلاقيات المهنة ومن ناحية الموضوعات المطروحة، فهاتوا محامي يراجع المسلسل".
وفي السياق ذاته، وجهت نهاد أبو القمصان، اتهاماً لمسلسل حالة خاصة لتدمير ثقافة المجتمع القانونية، لما يتناوله من أحداث غير واقعية تضر بمهنة المحاماة حسب وصفها، مستكملة: "حرام تدمروا ثقافة المجتمع القانونية ده احنا بنقعد سنين نبني الوعي القانوني وكمان موكلة تيجي لمحامية تقولها أنا هربانة من البوليس فتكلم المباحث تسلمها هي فين نقابة المحامين من الكلام ده".
غادة عادل
وتابعت: "الجناية اللي المتهم ممكن ياخد فيها إعدام ولسة بنتناقش فيها وحد يديها برشامة فيها الحل قبل ما تترافع، وتقولولي دي أكبر محامية في مصر وهي الصبح بتقول للمحامين أنتم أكبر عقول وأكبر محامين ومش عارفين توصلوا لحل، وصاحبة المكتب قعدة مع الـ6 متدربين اللي لسة بتختبرهم مش حتى دول تحت التمرين والـ6 أفراد معاهم قضية واحدة، وإلا المحامي المتحرش هل في محامي ممكن يتجرأ على أستاذته ويتكلم معاها بالطريقة دي؟".
قصة المسلسل
تدور قصة مسلسل «حالة خاصة» حول حكاية «نديم» طه دسوقي، الشاب المصاب بالتوحد، وقصته في محاولة العمل بمكتب محاماة شهير، وكيف أقنع محامية كبيرة به رغم رفضها في البداية له، وما يقابله في حياته اليومية، وتنافسه مع باقي زملائه.
مسلسل «حالة خاصة» من بطولة الفنانة غادة عادل، طه الدسوقي وحسن أبو الروس، ومن تأليف مهاب طارق، و إخراج عبد العزيز النجار.