طرح الفنان تامر حسني أحدث أعماله الغنائية برفقة زميله الفنان زاب ثروت، وتحمل الأغنية إسم "معلش"، عبر قناته الرسمية في موقع الفيديوهات الشهير يوتيوب، ومنصات الأغاني.

وتعد معلش هي الأغنية الخامسة بعد طرح أربع أغنيات سابقًا وهم "هرمون السعادة، موحشتكيش، مش هتغير عشان حد، حوا".

وتقول كلمات الأغنية

علش .. استحمليني

انتي بس اللي بتديني فرصه احكي وتسمعيني

معلش .. استحمليني

عارفك لما تواجهيني مش بتضعفي وتجامليني

لا بتزهقي ولا بتملي

سمعاني وكتمالي سري

صدقك بس هو فعلاً

حقيقي اللي فاضلي

 

قالوا الصديق وقت الضيق

دلوقتي بقى سببه

متسألش الحبيب ليه مشيت

عشان حضر خلاص عذره

هتموت مرتين لو قلبك

رجع للي خذلوه .. آه

ميت شكراً للي وجعنا

وخان فجأه الامانه

كده كنا هنتعب اكتر

لو كان طول معانا

شكراً للي علمنا

نهاية التقدير اهانه

 

الغدر مجاش غير من اللي

بحكيلهم اوجاعي

فكروني بالغنم

اكمل ولا مفيش داعي

يعيش عمره خايف من الديابه

وفي النهايه ياكله الراعي

 

معلش .. استحمليني

 

ويا جمالك وانتي في حالك

ساكته بتسمعي

ولا عمرك اشتكيتي رغيي

ولا مني بتصدعي 2x

شكراً تعبتك معايا

تصبحي على خير يا مرايا

 

 

معلش .. محدش فينا بيتعلم ببلاش

اتجرح واتعلم ولا ابقى ساذج وسط الناس

ما بلاش تستنى اي حاجه من اي حد

صاحبك بجد ميسيبكش لو الوقت شد

ولا اقولك كويس انه سابك اعرف قيمة غيابك

العيار اللي ميقتلش يقويك ده احنا في وسط غابه

يمكن عشان غلابه ( آه )

 

معلش .. طولت عليكي في الكلام شويه

تقلت عليكي عشان عارف انتي اللي باقيه ليا

دنيا وضاقت عليا مفضلش ليا غير الاغاني والمرايه ديا ( والمرايه ديا )

افضفض ليها وتسمعني ( تسمعني )

مفيش مكان في الكون يساعني ( يساعني )

كان نفسي اقول اللي جوايا واقول لمين ده كله باعني ( كله باعني )

ويذكر أن تامر حسني طرج فيديو كليب مؤخرا بعنوان موحشتكيش، وهي من ضمن ألبوم هرمون السعادة.

وحققت موحشتكيش نجاحًا كبيرًا بعد طرحها على منصات التواصل الاجتماعي، وعلى قناته الرسمية بـ يويتوب، وحصد الفيديو كليب أكثر من 10 ملايين مشاهدة، واستماع عبر المنصات الغنائية، بعد 6 أيام من طرحه، وحقق 9 ملايين مشاهدة على موقع الفيديوهات الشهير يوتيوب.