قال الرئيس عبدالفتاح السيسي، إنه سيكون هناك تحسنًا بطيئًا لكن سنكون أفضل بكثير من الأول، معلقًا: "اتسألت سؤال من إحدى السيدات الفضيلات قالت خايفة جدا من الواقع اللى حوالين مننا هنا وهنا.. رديت عليها وقلت: متخفيش من بره خالص".

وتابع الرئيس السيسي، خلال كلمته باحتفالية يوم المرأة المصرية، "أنا بقول لكل مصري متخافوش خالص من بره .. لأن ربنا موجود قبل كل شيء وإحنا بنحاول نراعي ربنا في التعامل مع القضايا دى.. لكن دايما اللى عينا عليه هو الداخل أن إحنا نخلي بالنا ..وبكلم الأمهات والآباء وبتكلم معاكم كتير علشان أسجل الظروف والمواقف.. المهم خلوا بالكم من الداخل من نفسكم من الولاد الصغيرين".

واستطرد: "مفيش أمور بتتعمل بالتمني ولكن بتتعمل بينا كلنا ومن خلال برامج من الدولة وبالإعلام والمفكرين والمساجد والكنائس والأسر علشان نحافظ على بلدنا فالحمد لله منقلقش من الخارج، لأننا إن شاء الله أحنا بخير، طيب الأزمات اللى بره، إحنا نطفى حرائق ولا نشعلها، وإحنا هنقابل ربنا بكده".