كرم مهرجان البردية الفنانة لبلبة في حفل الختام، تقديرًا لمشوارها الفني طوال السنوات الماضية.
وخلال حفل التكريم، أعربت لبلبة عن حزنها الشديد على وفاة صديقها الفنان صلاح السعدني، قائلة «إنها لم تقم بتجهيز كلمة لتكريمها، لكن تتحدث بكل ما في قلبها».
ووجهت لبلبة الشكر إلي إدارة مهرجان البردية على التكريم والمؤلف عبد الرحيم كمال قائلة: «أنا بشكر المهرجان البردية على تكريمي النهاردة ودا شيء يسعدني جدا إنه يكون هو اللي بيقدملي ده على رحلتي، وشرف أما يبقى الدورة باسم عاطف الطيب وهو اللي أعاد اكتشافي وبعد ما كنت بضحك الناس خليتهم يعيطوا بالفيلمين اللي عملتهم معاه».
وتابعت: «فيلم ضد الحكومة من أجمل الأعمال اللي عملتها مع المخرج عاطف الطيب، بالرغم من أنه مكنش مبسوط مني في البداية، كنت برجع أعيط لوالدتي علشان مكنش بيقوللي كلمة هايلة بعد م أمثل المشهد، لما سألته قالي بما إني بقولك اللي بعده يبقي عاجبني».
اختتمت لبلبة حديثها بالحديث عن الفنان صلاح السعدني: « كل صحابي راحوا وماتوا آخرهم صلاح السعدني، هو غالي عليا الله يرحمه، هو كان حاجة عظيمة بعزي نفسي قبلكم».