حل الفنان محمد هنيدي ضيفًا على برنامج "بيت السعد" مع الشقيقين أحمد وعمرو سعد، ليلة أمس الأربعاء عبر فضائية MBC، حيث تحدث خلال اللقاء عن جوانب من حياته الشخصية وبدايته الفنية.

وقال محمد هنيدي: "عشت رحلة معاناة 15 عام قبل فيلم إسماعيلة رايح جاي، قبل النجومية أحلامي كانت بسيطة، في البداية كانت شقة صغيرة، وربنا لما بيدي بيبهر".

وأضاف هنيدي: "في بداية مشواري الفني اترفضت كتير في الشغل، وفي مرة شاركت في عمل وصورت يوم، وبعدين اعتذرت وعملوا لي مشاكل في وقتها، بس مشيت".

وتابع: "كان عندي عربية صغيرة بس مكنش فيها تكييف، وبعدين جالي مسلسل تيمون وبومبا قولت لهم كويس أوي هتعطوني كام قالوا لي 10 ألف جنيه، عشان أجيب عربية بتكيف".

وأبدى الفنان محمد هنيدي عن رأيه في الفرق بين المناطق الشعبية والكمباوندات، قائلًا: "كلهم ناس وكلنا عايشين بس الفرق في المناطق الشعبية أن فيها التحام بين الناس، يعني الل ييطبخ أكله لازم يزل لجاره، وبناخد رأي بعض في الجوزات، الجيران في إمبابة عندهم ترابط كبير غير الكمباوندات".

وكشف هنيدي عن عمله في الحدادة: "كنت عامل دوشة في إمبامة وكان هدف أسرتي من شغلي وأنا صغير عشان يرتاحوا مني مش قصة الفلوس، وأمي الله يرحمها كان ليها خال حداد اللي هو جدي عباس، فقالت له ونبي يا خال خد الواد ده شغله معاك وريحني منه، فقال لي هتشتغل معايا قولت له أيوا وهاخد 5 جنيه في اليوم".

وأكمل محمد هنيدي: "رحت مع جدي ونمت عنده وتاني يوم روحنا العمارة اللي بيبنوها، وأنا كنت عيل وجاي بساندوتش جبنه رومي، وفجأة لقيت الصبيان بتاعه عاملين يعملوا في الحديد، راح جدي قالي هتعرف تمسك الأزميل الحديد وفيه المرزبة يا محمد روحت قولت له أيوا هعرف".

وتابع: "سبت الساندوتش ومسك معايا جدي الحديدة اللي هنعدلها والمرزبة نزلت على إيده والأسعاف جت خدته، وساعتها العتبة كلها اتقلبت، والإفيه اللي غلب وقتها إتي بتخانق معاهم بقولهم عايز الـ 5 جنيه بتاعتي".