أحيت الفنانة رانيا فريد شوقي ذكرى وفاة والدها الـ26، وذلك من خلال مقطع فيديو يتضمن مجموعة من صوره نشرته على حسابها الشخصي على موقع التواصل الاجتماعي «فيسبوك».

وقالت رانيا معلقة على الفيديو: «26 سنة على رحيلك اتحرمت منك ومن حنيتك ودلعك كنت أميرتك مكنتش بشيل هم حاجة لأنك كنت سندي وضهري وقوتي، مصدر العطاء و السعادة وحصن الأمان».

وتابعت: «ساعات بسأل نفسي لو كنت لسه عايش ياتري أنا كنت همر بكل اللي حصلي في حياتي الإجابة أكيد لا كنت دايمًا بتتكلم معايا وتقنعني وتنصحني وتحميني حتى من نفسي وأموت ولا تزعل مني انت وحشتني أوي أنا دايمًا بتكلم معاك حتى لو مش سامعني بس برتاح لما أفضفضلك طب عارف إيه اللي بيهون هو عليا فراقك حب جماهيرك وكلامهم عنك بكل حب وأصحابك والعائلة وأمي الله يرحمها حتى هي سبتني وراحتلك وناهد أختي راحتلك قبلها».

واستكملت: «سنة قاسيه أوي عليا يا بابا بحاول أتعايش واهرب للشغل أنا حقيقي وحيده من غيركم، مفيش حاجة تعوض الأب والأم  يا رب قويني وصبرني».