أثار الفنان والملحن عمرو مصطفي الجدل من جديد بعدما، أعلن عن وجود بعض أشخاص يريدون أن يظهر لجميع أنه صانع مشاكل مع زملائه.

وكتب عمرو مصطفى، منشور عبر حسابه الشخصي بموقع التواصل الاجتماعي فيسبوك، قائلا: "بقالهم 25 سنة وهمّا بيحطوني في مشاكل علشان يظهروني إني بتاع مشاكل، وكل ده عشان يخلوني زيهم، منافق وبيسمع الكلام".

وتابع عمرو مصطفى: بس بصراحة؟ لو وضحت في يوم، هتبقى اللحظة اللي أقول فيها باي باي لموهبتي الحقيقية، وكأنهم كسبوا المعركة، أنا بختار أسمعكم ألحان صادقة، وعندي طريقتي الخاصة اللي مش هتنازل عنها مهما كانت الحرب شغالة! يا جماعة، أنا صادق بروحي، وده اللي مضايقهم، لكن هفضل كده! خلّوني في حالي.. موهبتي مش للبيع.. الصدق هو سر موهبتي، ومش هتغير علشان حد.

ويذكر أن عمرو مصطفى، تراجع مؤخرا عن تصريحه السابق الذي أثار جدلًا، حين قال: مليش زملاء في الوسط الفني، معربًا عن تقديره واحترامه لعدد من زملائه الملحنين، من بينهم مدين ومحمد رحيم وعزيز الشافعي.

وعبر منشور له على صفحته الرسمية بموقع فيسبوك، شارك عمرو مصطفى صورًا لعدد من أبرز ملحني مصر، معلقًا: النهاردة حصلت مكالمة مهمة جدًا بيني وبين صديقي العزيز مدين ووضحنا فيها كل شيء.. حابب أقول قد إيه أنا بحترم هذا الشخص وبقدّر إبداعه.