نشر الفنان المصري أشرف عبد الباقي صور وأسماء مسؤولي الجهة المنظمة، الذي اتهمهم بالنصب علي فرقته “مسرح مصر”، أثناء تقديمها عدداً من العروض في دولة الكويت، وذلك عبر حسابه الرسمي بموقع تداول الصور “انستغرام”.
وعلق عبد الباقي على صورة أحد المنظمين قائلاً: “هاني أبو الفضل أحمد عبد العاطي، ده واحد من المنظمين في الكويت اللي تعاملوا معانا بمنتهى قلة الذوق، وواحد من تلاتة بوظوا التنظيم وأكلوا حقنا اللي واثقين في ربنا إنه هايرجعلنا حتى لو كان وراه حد كبير، هاني بيدعي إنه من الصعيد، مع إن الصعايدة أجدع ناس، ياترى أهله عارفين عنه كده وسايبينه؟ أكيد مفهمهم إنه محترم وبيدي الناس حقهم”.
ونشر عبد الباقي صورة لمنظم آخر، وعلق عليها بقوله: “ده تاني واحد من المنظمين اللي بالمناسبة خالفوا معظم بنود العقد، واللي سببوا مشاكل مش بس لينا، لكن للجمهور اللي حضر في الأربع أيام، ونقدر نشوف ده من الكومنتات والفيديو اللي هنزله”.
ويشارك في عروض “مسرح مصر” علي ربيع وأوس أوس ومصطفى خاطر وويزو وعدد من النجوم الشباب.