أعرب الفنان ميشيل ميلاد، عن سعادته الشديدة من ردود فعل الجمهور على شخصية إسماعيل في مسلسل "النص"، الذي تم عرضه في النصف الأول من شهر رمضان الحالي، كما كشف عن كواليس العمل مع الفنان أحمد أمين.
أوضح ميشيل ميلاد، أنه كان يتوقع نجاح العمل، قائلاً في تصريح خاص لـ بوابة "دار الهلال": "بالنسبة للمسلسل في معطيات كدا بتقولك إن الدنيا ممكن تروح فين أولا الطاقم كله مجتهد جدا وملتزم جدا ومركز جدا ف الحاجات دي خلتني اقول ان في مسلسل قوي هيكون موجود في ادارة مظبوطة مع استاذ حسام على عارف يدير المشروع بشكل قوي جدا معانا فنان كبير مركز جدا في الورق ومركزين والممثلين كلهم فنانين مهمين وكلهم بذلوا مجهود كبير ف كل دي معطيات بتقول ان في عمل محترم هيتعمل".
كما أشار إلى عدم توقع النجاح الكبير لشخصية إسماعيل، مضيفا: " كنت متخيل النجاح دا لكن نجاح شخصية إسماعيل جه ازيد من توقعاتي الحمدلله يارب ربنا نور بشكل كبير على الشخصية فخلى الناس تتقبل بشكل كبير يعني ".
وتحدث ميشيل ميلاد عن كواليس العمل مع أحمد مين، قائلاً: "الكواليس ممتعة جدا جدا وكلها ضحك وشغل وتركيز وكان حاجه في منتهى الجمال وعلى رأسهم طبعا استاذ احمد امين الناس كلها بتحبه وهو بيحب كل الناس وراجل خلوق ومهني ومحترف ودمه خفيف وفي كل المميزات اللي بيتمناها اي ممثل تكون موجودة في النجم اللي شغال معاه".