فجر المصور السينمائي سعيد الشيمي مفاجأة من العيار الثقيل حول فيلم "ضد الحكومة" الشهير، مؤكدًا أن مشهد حادث الأتوبيس المؤثر الذي شاهده الملايين لم يكن تمثيلاً أو ديكورًا، بل كان حادثًا وقع بالفعل وتم تصويره.
وقال الشيمي خلال لقائه في صالون «كلام في السيما» : "ده مكانش تمثيل خالص، ده كان حادثة بجد! كنا بنصور حاجات تانية خالص على الدائري، وفجأة لقينا الأتوبيس ده عامل كده".
وأضاف الفنان: "يعني المشهد اللي الناس شافته ده، ده مش ديكور ولا أي حاجة متجهزة. ده ربنا ستر والحمد لله إننا عرفنا نصور اللي حصل ده زي ما هو".
وأوضح الشيمي أن فريق العمل استغل وجوده في الموقع وقام بتصوير المشهد بشكل عفوي وفوري بعد وقوع الحادث مباشرة. وشدد على أن الهدف لم يكن استغلال المأساة، بل توثيق الواقع وتقديمه للجمهور كما حدث.
وتابع قائلًا: "أنا فاكر المنظر كأنه إمبارح، حاجة صعبة أوي. بس إحنا كنا حريصين إننا ننقل الصورة زي ما هي عشان الناس تشوف اللي بيحصل بجد".