أعربت الفنانة نور قدري، عن سعادتها الشديد، بعد حضورها أول حفل مباشر لفرقة كايروكي، معبرة عن إعجابها الكبير بالموسيقى والفكر المختلف الذي تقدمه الفرقة.
وشاركت نور قدري عبر حسابها على موقع التواصل الاجتماعي "إنستجرام"، مقطع فيديو من الحفل، وكتبت: "احساس حلو قوي لما تكون طاير في السما من كتر السعاده اللي بتبقي فيها .. بتحس احساس بيخلي قلبك يدق بسرعه و نفسك تجري بسرعه بسرعه او تبقي عامل زي البيبي اللي لقي لعبته اللي بيحبها و فجأه السعادة تترسم انا كنت اسعد واحده امبارح و انا بتفرج علي كاريوكي لان انا بنسبالي من اعظم الفرق اللي لما بسمعهم بحس اني في عالم تاني هما pink floyd وغيرهم من الفرق"
وتابعت: "و كنت متخيلة ان عمري ما عندنا ممكن نعمل باند كده او فكر مختلف او مزيكا عظمه تخليك تدوب جوه الاوتار و الالات و كلماتهم اللي فيها وعي و اسلوب مختلف .. خصوصا لو حد بيسمع مزيكا كتير او عارف مزيكا هيفهم انا قصدي ايه.. بس شفت ده مع احلي و أذكي باند في رأي حصل في السنين اللي فاتت و اللي جايه .. انا بسمع كايروكي من اول ما ابتدوا و هما معايا شريك دايم طول الوقت في اي مكان في اي رحله من زمان . . بس اول مره احضر لهم حفله و على اد ما كنت سعيده على اد ماكنت زعلانه اني ضيعت حفلات كتير ليهم ..شكرا ليكم على السعاده و الطاقه اللي بتدوها للناس".
آخر أعمال نور قدري
يذكر أن آخر أعمال نور قدري، مشاركتها في فيلم "عنب" بطولة الفنانة آيتن عامر، ودارت أحداثه حول ما حدث في ليلة وداع العزوبية، مما وضع أبطال العمل في مواقف كوميدية.
فيلم "عنب" من بطولة: أيتن عامر، إسلام إبراهيم، محمود الليثي، نور قدري، توني ماهر، محمود حافظ، مع عدد من ضيوف الشرف كالفنان محمد رضوان، والفنان القدير لطفي لبيب، والنجم محمود حافظ، والفنان الكبير سامي مغاوري، مع حسام داغر، وطاهر أبو ليلة، العمل من إنتاج رشا الظنحاني، وقصة أمين جمال ومحمد محرز، وتأليف يوسف سالم وأحمد سالم، وإخراج أحمد نور.