سلمى الشماع عن تكريمها:"كانت مظاهرة حب حقيقية.. والكل كان من الحبايب

عبّرت الإعلامية سلمى الشماع عن سعادتها الكبيرة بتكريمها من الهيئة الوطنية للاعلام واصفة اللحظة بأنها "مظاهرة حب"، قائلة:" مظاهرة حب كبيرة الحبايب كلهم كانوا موجودين. كانت فرحة زي فرحة الفرح.. كل اللي حواليا مش أغراب، يا إما اشتغلت معاهم، يا إما أنا اللي ربيتهم. كان إحساس رائع، صادق، ومليان شغف. الناس مكانتش بتتكلم لمجرد المجاملة، لكن بكلمات خارجة من القلب، كلها حب وشغف."

وتابعت خلال لقائها في برنامجها "كلمة أخيرة" على قناة ON:"أنا عمري ما حسيت إنّي ابتعدت عن أهل المهنة، دايمًا على تواصل معاهم. دلوقتي حاسة إني بقيت أم لكل الشباب اللي بيشتغلوا في الإعلام. إحساسي بيهم اختلف، أوقات بوجههم بقسوة وبيزعلوا، لكن بعدها باخدهم في حضني."

وكانت الهيئة الوطنية للإعلام، ممثلة فى قطاع النيل للقنوات المتخصصة بإدارة الإنتاج المتميز، قد نظمت احتفالية تكريم للإعلامية الكبيرة، سلمى الشماع، بمركز الإبداع الفنى بدار الأوبرا المصرية، تقديرا لمسيرتها الإعلامية الرائدة وإسهاماتها المؤثرة فى تطوير العمل التليفزيونى والثقافى والفنى.