تصدرت الفنانة دنيا سامي تريند جوجل، خلال الساعات الماضية، بعدما ظهرت ضيفة فى برنامج صاحبة السعادة مع الإعلامية والفنانة إسعاد يونس وتحدثت خلال الحلقة عن نشأتها وبداية دخولها مجال التمثيل، والتنمر التي تتعرض له دائما من الفنان مصطفى غريب.
قالت دنيا سامي: "أنا نشأت في الدرب الأحمر والناس فيه لسه محتفظين بالجدعنة ولحد دلوقتى وانا داخلة الشارع محدش يقدر يعاكسنى ولو بدور على ركنة يساعدونى ده غير إنى وأنا صغيرة كانوا بيخافوا منى، فى الشارع وشى مرعب، مع إنى كنت ممكن اتضرب بسهولة لأنى كنت رفيعة جدا ووحشة جدا لمن انا لما بكبر بحلو".
أما عن دخولها التمثيل، قالت: "أنا أصلا ماكنتش عاوزة أمثل كنت بتكسف جدا وبشوف إن دمى خفيف في البيت لكن مش اضحك الناس حتى ذهبت إلى مدرسة اللى تعلمت فيها الطبلة، ولقيت نفسى فجأة بتحط في الأدوار الكوميديا، وكنت بقول يا جماعة أنا مش أراجوز نفسى أعمل حاجات تانية طيب خلونى أعيط واكتشفت بعد كده انها حاجة صعبة جدا واكتشفت إنها فادتنى وجرأتنى وخليتنى أعمل أي حاجة".
وبينما تحدثت عن علاقة الصداقة والمواقف الطريفة التي تجمعها مع الفنان مصطفى غريب: "الوحيد اللي شايفني وحشة لحد النهاردة مصطفى غريب، وأصلا بيشوفني ولد، هو متنمر طبعا نمرة واحد، يعني لو واحدة صاحبتنا مامتها مثلا توفت من أسبوع ورايح لها، وتخرج له يروح مشغل لها أغنية عن الأم بصوت عالي".