عبر محمد سيحا ، حارس مرمى النادى الاهلى الجديد عن سعادته الكبيرة بالانتقال لصفوف المارد الاحمر بداية من الموسم الجديد.
وتحدث سيحا، فى تصريحات للصفحة الرسمية للنادى الأهلى: "انضمامي للأهلي كان ليه أسباب، أول حاجة كان حلم حياتي إني أبدأ فى ناشئي النادي الأهلي، جيت اختبارات الأهلي في 2009 لكن للأسف محصلش نصيب، روحت طلائع الجيش وجيت رجعت تاني النادي الأهلي، افتكر موقف لوالدي من 15 سنة كان عندي اختبارات فى الأهلي وموفقتش فيها وفضل يدعمني وقتها، وحاليا لما جيت خلصت كل حاجة مع الأهلي والدي مكنش يعرف حاجة، ولما كل حاجة خلصت كلمته وفكرته بالموقف ده وقولتله أنا حققت الحلم بتاع زمان اللى أنت نفسك فيه".
وأشار حارس الاهلي الجديد:"مشاركة الأهلي في كأس العالم شايف إنها هتبقى مبشرة السنادي، وإن شاء الله هنقدر نعمل حاجة ونتوج بميدالية إن شاء الله، وانضمامي للأهلي وقت كأس العالم للأندية دي حاجة أكبر بالنسبالي، أنا بحب المنافسة، يعني انا داخل فى وسط أكبر حراس فى أفريقيا، يعني لما جيت النادي الأهلي ناس كتير قالتلي مشاركتك هتبقى ضعيفة شوية وأنا مبشوفش كدا خالص، أنا بشوف أن انا هنزل الملعب وأجتهد والباقي على ربنا سبحانه وتعالى".