حرصت الفنانة دنيا سامي، توضيح حقيقة التصريحات التي تداولتها بعض الصفحات عبر مواقع التواصل الاجتماعي، والتي تم اقتطاعها من حلقتها مع الإعلامية إسعاد يونس، مشيرة إلى أنها تناولت كلام زميلها الفنان مصطفى غريب عنها بطريقة مازحة، لكن البعض فهمها بشكل خاطئ وأثار موجة من الهجوم ضده.
كتبت دنيا سامي منشور على حسابها الشخصي عبر موقع التواصل الاجتماعى الفيسبوك :"بالنسبة للبوستات المنتشرة اللي مشيرة لحلقتي مع أستاذة إسعاد يونس واللي أنا بقول فيها إن مصطفى غريب بيتريق عليا وبيقول عليا وحشة، وده طبعاً جاب لمصطفى الكلام والشتيمة.. أولاً شكراً على دفاعكم عني، بس أنا أصلاً مش زعلانة من حاجة، وأنا ومصطفى صحاب ودُفعة واحدة، وإحنا الاتنين اتمرمطنا زي بعض، وأنا كنت بحكي ده بهزار لأني عارفة إني قمر".
وأضافت:"مصطفى غريب ده أقرب وأجدع وأطيب بني آدم في حياتي وحياة كل صحابه، ولو قعدت أتكلم عليه من هنا لـ100 سنة مش هيكفي، والله قد إيه هو ضهري في الحياة.. واللي أنا قولته في البرنامج على اللي مصطفى بيقوله عليا ده هزار بين أي صحاب في أي شلة، وأنا الحمد لله معنديش عقد".
وتابعت دنيا:"بجد مفيش حاجة، وأصلاً لو كملتوا باقي الحلقة مع أستاذة إسعاد هتعرفوا إننا مسكناه تريقة وتقطيع أكتر من اللي هو بيهزر فيه معايا بكتير".
واختتمت دنيا سامي منشورها برسالة محبة ودعابة لجمهورها قائلة:"ولو سمحتوا محدش في الدنيا يشتم مصطفى غريب غيري".