أعرب الرياضي أحمد عزمي، زوج أسما شريف منير، عن فخره وامتنانه لزوجته وعائلتها، مشيرًا إلى أنهم علموه الكثير من القيم الإنسانية. وأكد على ثقته الكبيرة التي منحها له والد أسما، الفنان شريف منير، ووعده ببذل أقصى جهده لإسعادها.
وشارك أحمد عزمي عبر حسابه على موقع التواصل الاجتماعي "إنستجرام"، مجموعة صور من عقد القرآن، وكتب: "أنا متشرف جداً ان اسما مراتي، وأهلها الطيبين المحترمين، اللي عندهم إحساس بالبشر، علموني حاجات كتير، بشكر والد أسما على الثقة اللي ادهالي، وعايز أطمنه إن أسما في عيني، وبوعده إني هبذل أقصى ما عندي عشان أسعدها".
وتابع: "رأي الشخصي ان العلاقات دايماً بتحتاج مجهود من الطرفين عشان يحتووا ويقدروا بعض، الرجالة بالذات عليهم دور القوامة و ده في الدين، بس القوامة مش معناها التسلط، زي ما اغلب الرجاله فاهمة! هي رعاية ومسؤولية".
وأوضح أن الراجل يجب أن يكون داعمًا لزوجته، ويتعامل معها برحمة واحترام، قائلًا: "الراجل لازم يكون داعم وسند لمراته ويتعامل معاها برحمة واحترام، لما بنشد بعض لطريق ربنا، ونتعامل بنية صادقة، ربنا بيكرمنا وبيعود علينا برزق و حاجة فيها هدوء و أمان، عندي رساله بسيطة اوي، دوروا على رضا ربنا و إسعي وتوكل علي ربنا، بالمعاملة الكويسة، الرحمة، وحب الخير مش هتلاقوا غير خير و رزق واسع و اماني بتحقق".