أشاد منظم الحفلات الشهير وليد منصور بالنجاح الكبير الذي حققته الفنانة شيرين عبدالوهاب في حفلها الأخير بمهرجان "موازين" بالمغرب، مؤكدا أن الحفل سجل أكبر حضور جماهيري في تاريخ المهرجان، بحسب تصريحات الجهات المنظمة.
وقال وليد منصور، منشور على حسابه الشخصي بموقع التواصل الاجتماعى تبادل الصور والفيديوهات الانستجرام:"صباح الخير، صباح النجاح، صباح كل حاجة حلوة، مستغرب جدًا من الناس اللي قاعدة تتكلم على شيرين عبدالوهاب بعد حفل موازين، رغم إن كل الجهات هناك أكدت إن ده أكبر عدد جماهيري في تاريخ المهرجان".
وأضاف:"الأغرب إن الهجوم ده جاي من لجان فاشلة، تابعة لفنانة يبدو إنها متخيلة إن الكلام والتشويش ممكن يأثروا على نجاح شيرين، أنا بقالي 18 سنة في مجال تنظيم الحفلات، ومع احترامي لكل النجمات، مفيش في مصر غير شيرين عبدالوهاب، هي الممثل الشرعي لصوت مصر في العالم".
وتابع منصور قائلا:"شيرين موجودة في كل مكان، من الشارع الشعبي للديسكو للاستاد، صوتها وإحساسها وصل لكل الطبقات،سافر معاها وشوف بنفسك شعبيتها قد إيه. بعيدًا عن أي أمور شخصية، لازم نفهم إن شيرين حالة فنية نادرة، وصعب تتكرر،هي بحق أم كلثوم العصر الحديث".
واستكمل:"عملت معاها 80٪ من حفلاتها في مصر، وكل واحدة منهم كانت الأعلى حضورًا. شيرين بنت بلد، وهتفضل بفنها في مكانة مختلفة ومتفردة، بدل ما ندعمها بعد ما خرجت من محنة كبيرة، قاعدين نمسك في تفاصيل لا تستحق،حتى لو غنت بعض الأغاني بلاي باك، الجمهور كان حافظ كل كلمة وبيغني معاها،مبروك شيرين، وهتفضلي دايما صوت مصر الحقيقي".