شاركت الفنانة داليا البحيري جمهورها عبر حسابها الرسمي على موقع التواصل الاجتماعى الانستجرام، صورة من حادث السير الذي تعرضت له، مؤكدة أنها نجت بفضل العناية الإلهية، وموجهة الشكر لرجال المرور الذين ساندوها في الموقف.
وكتبت داليا البحيري على الصورة:"الحمد لله على كل شيء طبعا… لأننا لازم نحمد ربنا على كل حاجة وفي كل وقت، اللي يعرفوني كويس عارفين قد إيه بحب الصيف بكل تفاصيله، لكن الحقيقة الصيف ده كان من أسوأ الفترات اللي عدت علي رغم وجود بعض اللحظات الحلوة مع العيلة".
وتابعت: "مناعتي وقعت وبقالي 3 أسابيع عيانة جدًا، جالي دور برد أو كورونا… وبعد ما ابتديت أتحسن جوزي اتعدى وتعب أكتر مني لدرجة رحنا المستشفى وقعدنا هناك 4 ساعات في تكييف شديد البرودة".
وأضافت البحيري أن حالتها الصحية تدهورت مجدداً بعد عودتها من المستشفى، لتكتمل معاناتها بحادث سير أثناء عودتها من الساحل إلى القاهرة: "وأنا سايقة تعبانة الكاوتش اتفرتك وطلع دخان، بس الحمد لله كان عند البوابات وماكنتش ماشية بسرعة… ده ستر ربنا الجميل،باختصار كان صيف مشحون جداً، بس برضه حافضل أحب الصيف وأفضله… دعواتكم أخف لأني استويت".