أشاد المخرج خالد دياب عبر صفحته بموقع التواصل
الاجتماعي "فيس بوك" بدور الفنانة مي كساب في فيلم "طلق
صناعي".
وقال دياب: "مي كساب ما بتعرفش تمثل ... عندي
التمثيل إن الممثل ما يمثلش.. إنه يبقي طبيعي وهي دي مي كساب طبيعية ما بتمثلش
(طبيعية ما بتعرفش تمثل)".
وأضاف دياب: "مي دورها كان كبير جدا في طلق صناعي
يليق بقيمتها ونجوميتها لكن دخل علينا موسم رمضان والممثلين دخلو مسلسلات فإتأجل
تصوير الفيلم ومي كانت حامل فصورت مشاهد ليها وهي حامل في الشهر التاني ومشاهد
وهي في السادس ومشاهد في التاسع -ربنا يخلي بنتها- فنتيجة لما يسمى الراكور
اللعين واجهنا مشاكل".
وتابع: "أنا كنت شايف أدائها هايغطي على الراكور بس
كان في مشاهد واضح فيها جدا اختلاف الشكل فشيلت من مشاهدها وأنا بجد بتقتطع".
واستكمل: "وأنا بتفرج على الفيلم وسط الجمهور في
مصر ودبي كل ما مي تتكلم الناس تضحك فأنا أقول لواحد من صناع الفيلم هو مكانش
ينفع أسيبلها مشهد أو اتنين كمان ! يقولي الراكور يا أستاذ... فعلا أنا والناس
كان نفسنا مي تبقي أكتر في الفيلم بس عزائي الوحيد أن كل مشهد لمي في الفيلم
الناس بتموت من الضحك خصوصا البنات والستات معرفش ليه".
واختتم حديثه قائلاً: "مي قلبها أبيض بجد ما زعلتش
وساندت الفيلم لغاية آخر دقيقة وجت العرض الخاص هي وجوزها أوكا إللي سعيد انه جه .. مي بجد
أنا أتشرف إني اشتغلت معاكي وأحب جدا نشتغل مع بعض تاني".
