كشفت الفنانة أميرة أديب عن رؤيتها للفن وعلاقتها بعائلتها الفنية، متحدثةً عن تأثير والدتها منال سلامة ووالدها المخرج عادل أديب في تكوين شخصيتها، كما تطرقت إلى صداقاتها داخل الوسط الفني، موضحة جانبًا مختلفًا من حياتها بعيدًا عن الأضواء.
وقالت أميرة أديب خلال لقائها في برنامج «ET بالعربي»: «أنا مش بفكر مع نفسي كده خالص، أي نوع من الفن أنا بقدمه هو نوع من التعبير عن نفسي، حتى لو هرسم أو أطبخ، أنا محظوظة جدًا بعيلتي، لكن مش بالطريقة اللي الناس فاكرينها، أنا اتربيت في بيت كله فن».
وتابعت: «بس الإلهام الحقيقي كانت أمي، لأنها جاية من بيئة مختلفة تمامًا، من شبرا، وما كانش عندها حد يساعدها أبدًا، عملت كل حاجة بنفسها، فده خلاني ما ينفعش أتدلع خالص».
وعن صداقاتها من داخل الوسط الفني، قالت: «أمير المصري أخويا جدًا جدًا، بعرفه من وأنا عندي 9 سنين، وكان أول فيلم ليه مع عيلتي، فالعلاقة قديمة جدًا، أنا ومايان السيد أصحاب، بس بعدنا عن السوشيال ميديا شوية، كبرنا وركزنا في شغلنا، بس ده مش معناه إن العلاقة انتهت».