في أول تعليق له بعد الأزمة التي أُثيرت حول ألبوم الفنان محمد فؤاد، خرج المطرب عمر كمال ليؤكد احترامه الكبير لفؤاد وينفي وجود أي خلاف بينهما، موجّهًا إليه رسالة مؤثرة تعبّر عن محبته وتقديره له.
وكتب عمر كمال عبر حسابه على موقع التواصل الاجتماعي "فيسبوك": «أنت أستاذي وحبيبي، وأنا مش أنجح منك ع اليوتيوب ولا أنجح منك ف أى حتة، أنا ماجيش أغنية واحدة من ألبوماتك.. أنت الوحيد اللي عارف أنا بحبك وبحترمك إزاي».
وتابع: «عندي 36 سنة، منهم 30 سنة بحبك وبلف وراك حفلاتك في بلاد ربنا.. كنت فعلا بروحلك عند الاستوديو وبيتك وأنا عندي 14 سنة، وكنت بستنى لحد الفجر عند محلات الكاسيت أستنى شريطك ينزل عشان اشترى نسخة شريطك الماستر اللى محفور عليه اسم شركة الإنتاج عشان احس إني ساهمت ف نجاحك ف كتر المبيعات».
وأضاف: «صوتك كان بياخدلى حقى من الدنيا .. كان بياخدلى حقى من اللى سابتنى .. وكان ونسى ف خدمتى ف الجيش .. وكان معايا ف كل مراحل حياتى».