وجه الفنان محمد فراج رسالة رومانسية مؤثرة لزوجته الفنانة بسنت شوقي عبر حسابه الرسمي على موقع التواصل الاجتماعي لتبادل الصور والفيديوهات الانستجرام، عبر فيها عن حبه وامتنانه الكبير لها على دعمها الدائم له في حياته الشخصية والمهنية.
وكتب فراج عبر حسابه الرسمي على موقع التواصل الاجتماعي لتبادل الصور والفيديوهات الانستجرام: ماينفعش أقولك كل سنة وانتي طيبة قبل ما أقولك جوايا شكر وحب واعتراف بالجميل وحاجات كتير ليكي.
وتابع: إنتي طول عمرك معايا بتنصحيني، بتوعيني، بتحبيني، مؤمنة بيا، سابقاني دايمًا بخطوة في تفاصيل حياتنا "الصراحة هي مش خطوة واحدة هما كذا خطوة".
وأضاف: استحملتيني واستحملتي عصبيتي وقلقي وسخافاتي وقت الشغل وخاصة الفترة اللي فاتت واللي كان فيها الموج عالي قوي، ومع ذلك بتبقى أول واحدة تقولي، براڤو عجبتني.
وأشار إلى: واخدة بالك مني وليكي في كل خطوة أخدتها ربنا كرمني فيها.. ليكي في كل دور حلو أنا مثلته.. شايلة همي وحملي وحملك وحمل القطط وحاجات كتير.. وفوق كل ده كمان زي القمر.
وأكد: أنا لو اتكلمت وحكيت من هنا لعيد ميلادك السنة الجاية والله مش كفايا. تفتكري بعد كل ده كلمتين حتى لو صادقين ومن القلب يوفوكِ حقك!!، كل سنة وانتي أحلى صوص بيدي طعم للحياة.. كل سنة وانتي حبيبتي.