وجّه الرئيس عبدالفتاح السيسي رسالة إلى المصريين خلال زيارته لكاتدرائية ميلاد المسيح بالعاصمة الإدارية الجديدة.
وقال الرئيس السيسي: "أي مشكلة بفضل الله تتحل بس تفضل مصر بخير وسلام وشبعها بخير وسلام".
وأضاف: "كل عام وأنتم بخير وسلام وسعادة، وقداسة البابا بخير وسلام وسعادة، احنا بنبقى فرحانين أوي واحنا موجودين معكم ربنا يفرحكم دايما ويفرح مصر ويفرح الدنيا كلها اللهم أمين وكل سنة وأنتم طيبين".
وتابع الرئيس: "بقول للمصريين أوعوا تقلقوا أبدا بس بشرط خليكم دايما مع بعض، وأوعوا حد يحاول يخلينا نختلف أو حتى نؤذي نفسنا وبلدنا دي وصيتي ليكم ولينا كلنا".
وواصل الرئيس السيسي: "عام سعيد عليكم وعلينا كلنا وعلى الدنيا كلها ونقول يا رب العام ده يبقى عام أفضل علينا وعلى كل البلاد".
وأكد الرئيس: "علاقتنا كشعب مصر بلا أي تمييز وعلاقة طيبة ونحافظ عليها ونطورها ونعززها هو ده الرصيد اللي لازم نخلي بالنا منه ونحافظ عليه، منديش فرصة لحد أبدأ إنه يتدخل بيننا مش عاوز بيننا مفيش بيننا، مفيش انتوا واحنا في إحنا كلنا واحد".