ودع ناصر ماهر لاعب بيراميدز الجديد جماهير نادي الزمالك بعد رحيله عن صفوف الفريق رسميا، مساء اليوم الخميس.
وكتب ناصر عبر صفحته بموقع التواصل الاجتماعي فيس بوك:
"مش عارف أبدأ منين، لأن في حاجات مش سهلة تتقال، خصوصًا لما تكون بتتكلم لجمهور عظيم زي جماهير الزمالك داخل القارة وخارجها.
اسمحولي أعبّر عن حبي واحترامي ليكم… والله مش مجرد كلام."
وأضاف: "من أول يوم دخلت فيه النادي وأنا حاسس إن المكان ده فيه حاجة تتحب.
يمكن عشان ده كيان كبير،
أو عشان لاعبين كبار وشخصيات محترمة بتتحمل أكتر من أي حد،
أو عشان الجمهور المختلف بأجواءه ودعمه ومتعتُه…
بس في الآخر الكوره ممكن تخليك تسيب مكان انت بتحبه وده جزء من اللعبه ، أنا بحبكم جدًا والله."
وواصل :"النهارده آخر يوم ليا في نادي الزمالك، النادي اللي تشرفت إني ألبس التيشيرت التاريخي بتاعه، ودافعت عنه بكل إخلاص وحب.
إنتوا خلتوني نجم بجد، ودايمًا بقول إن ربنا أكرمني بجمهور الزمالك."
وتابع :"يمكن الرحلة خلصت دلوقتي بسبب ظروف النادي الصعبة،
وأتمنى اكون جزء ولو بسيط في حل الازمه الماليا، واقدر أساعد النادي،
لأن الزمالك كبير ويستحق إن الواحد يضحي عشانه.
وبالنسبة لي، الرحلة لسه فيها فصل تاني… إمتى؟ الله أعلم."
وأكمل :"بشكر كل زملائي اللاعبين الرجالة بجد في كل المواقف،
وبشكر إدارة النادي الزمالك برئاسة حسين لبيب،
وبشكر جميع المدربين اللي تدربت معاهم."
وختم :"شكراًچون ادوارد ،شكراً عبد الناصر محمد ،شكراً احمد سليمان اللي خلاني اكون متواجد داخل نادي الزمالك
وكمان بشكر الأوفياء… جمهور الزمالك العظيم، الداعم الأول للنادي.. آخر حاجة هقولها: أنا دخلت النادي وقلت “أنا بحب الزمالك”،
ودلوقتي وأنا ماشي بقول:
هفضل أحب الزمالك."