عاد اسم الفنان محمود حجازي إلى صدارة مؤشرات البحث جوجل ومنصات التواصل الاجتماعي خلال الساعات الماضية، وذلك على خلفية اتهامه بالتحرش بسيدة تحمل جنسية أجنبية داخل أحد الفنادق الشهيرة بالقاهرة، في واقعة أثارت حالة واسعة من الجدل.
علق الفنان محمود حجازي على اتهاماته بالتحرش بالفتاة، على حسابه الشخصي بموقع التواصل الاجتماعى تبادل الصور والفيديوهات الانستجرام:«إحنا منعرفش الخير فين وليه بيحصل كل ده أكيد ربنا له حكمة، والحقيقة هتبان هتبان وساعتها هبقى ضامن حقي في الدنيا زي ما ضامن حقي في الآخرة».
وأضاف: «كفاية كدب ده انتوا حتى بتكذبوا في الشهادة العلمية، وبتقولوا دكاترة فين طيب الدكتوراه دي وهي كدبة بتحاولوا تداروا بيها عن نقصكم، أنتم فاضيين ولا تعموا غير على أذيتي وكل من حولي».
وتابع حجازي: «مهما عملتوا مش هتنازل عن منع سفر ابني اللي أنا محروم منه ولحد دلوقتي، أبويا وأمي لسة مشفهوش خالص من ساعه ما اتولد وبقى عنده سنة ونص وبقاله في مصر 5 شهور، ربنا موجود وأنا أقوى من أي حاجة عشان معايا الحق».
وأشار إلى تعرضه لحملات ممنهجة، قائلا: «مهما صرفتوا من حملات عشان تدمروني مش هتعرفوا ده تعب سنين، ولو عايزين تتشهروا اصبروا لسة اللي جاي هيشهركوا أكتر، رغم كنت ساكت عشان خاطر ابني بس دلوقتي خلاص لازم الدنيا كلها تعرف حقيقتكم زي ما ربنا عارفها، إني فوضت أمري لله».
واختتم حديثه قائلا: «بجد اللي حصل ده علمني كتير أوي، وشكرًا لكل حد سأل عليا أو قال كلمة خير في حقي، ولكل حد بيتكلم عن الموضوع وكانه عايش معانا وبيأكد اتهامات من غير دليل حسبنا الله ونعم الوكيل، لقاءنا قدام ربنا، أنا واثق في ربنا والقضاء المصري وحقي هيرجع بالقانون».
وتعود بداية الأزمة إلى تلقي أجهزة أمن القاهرة بلاغ يتهم الفنان محمود حجازي بالتحرش بسيدة أجنبية داخل أحد فنادق القاهرة الشهيرة، بدائرة قسم شرطة بولاق أبو العلا، حيث باشرت الجهات المختصة التحقيق في الواقعة لكشف ملابساتها.